Igrexa do Castro

Igrexa construída a principios do século XIX con nave rectangular e bóveda de canón. A ábsida
destaca en altura, está cuberta a catro augas, con pilastras nos cantos e pináculo no cumio. O
interior cúbrese con bóveda de cruzaría e o cruceiro con bóveda de aresta e arco de acceso de
medio punto sobre enormes pilastras. A sancristía, coa cornixa moldurada, está acaroada na
cabeceira.
A fachada está flanqueada por pilastras, a porta é alintelada e moldurada e ten unha pequena
fornela baleira.
O fantástico campanario de inspiración barroca compostelá ten dous corpos decorados por
pináculos con bola co superior rematado en cupuliña. A súa peculiaridade é que se pode acceder
a el libremente, a través dunhas escaleiras moi estreitas que parten do muro lateral e intérnanse
na igrexa ata chegar ao primero corpo do campanario, protexido cunha varanda de pedra.
Podemos entender o significado destas interesantes escaleiras como o ascenso ao Ceo a través
das dificultades da vida.