Pombal de Sestos
No borde do núcleo de Sestos, perfectamente visible dende a estrada e nun contorno
agropecuario cercano á Capela de San Amaro, sitúase este pombal que foi restaurado
recentemente. A súa importancia radica en que este tipo de construcións tradicionais foron de
enorme trascendencia no pasado rural e hoxe practicamente desapareceron.
O pombal de Sestos é unha construción cilíndrica con cuberta cónica e con tella curva e parades
de cachotaría. Baixo a cuberta dispóñense os pequenos buratos para a entrada das pombas baixo
a cal vemos unha cornixa plana para que se poidan pousar ao entrar ou saír. Esta cornixa é o
elemento principal deste tipo de construcións e contribúe a artellar a fachada ademáis de
constituír un interesante elemento decorativo. Na parte baixa ten grandes vans con linteis
formados por perpiaños.