Capela da Virxe da Pena de Francia
É unha capela dunha nave con pequenos vans rectangulares moldurados nos muros laterais.
A fachada está flanqueada por pilastras con pináculos, a portada é alintelada cun van a cada lado
en forma de arco de medio punto que estructura unha ventá á esquerda e unha fornela coa imaxe
da Virxe, á dereita. A capela remátase cunha espadana central moldurada e adornada cun óculo
na súa parte superior sobre o cal se colocou unha cruz.
É un lugar de romaría situado en plena natureza, dende o que se ve un enorme val. O contorno
habilitouse para o efecto posto que na fronte da capela hai un gran adro cun altar de construción
recente para celebrar misas multitudinarias tralas cales os fieis comen nunha área recreativa
cercana, á sombra dunhas fermosos carballos.
A devoción a esta Virxe ven probablemente a través do Mosteiro de San Pedro de Vilanova aínda
que a advocación vencéllase ao Camiño de Santiago. Tamén a atopamos na Cañiza e en
Salamanca.