Fonte Dozón

Fonte situada ao lado do Cruceiro Dozón I e en contacto co muro perimetral da Cas Reitoral de
Santa María de Dozón. É de factura sinxela, cun solo cano. Parece ter sido construída coa única
función de ser útil, para encarreirar a auga dun manancial.
Está ó ras de chan e formada cunha lápida labrada con formas sinuosas, tanto na súa parte
superior en arco como na unión ao chan. Rebáixase no interior para facer resaltar unha inscrición
que se le con dificultade e di “ano 1958”.
Forma un conxunto interesante coa casa reitoral, a igrexa e o cruceiro, elementos sagrados que
elevan a auga como ben santificado ou consagrado, o elemento purificador ao que calquera
persoa pode acceder libremente.