Albergue O Castro

O albergue municipal de peregrinos de O Castro ofrece os seus servizos durante todo o ano a aqueles viaxeiros con credencial que realizan o Camiño do Sueste ou Vía da Prata. Inaugurado en 2007, atópase nun edificio moderno de pedra e conta con 50 prazas, 5 en habitacións privadas, dúas dobres e unha individual, sendo o resto espazo para liteiras. Posúe calefacción, auga quente, duchas, cociña, comedor e dispón dun lugar pechado para bicicletas, así coma espazo para cabalos. O seu emprazamento é ideal, nunha posición elevada respecto á contorna, con excelentes vistas para gozar da paisaxe das montañas da Dorsal Central Galega. Ademais, coas súas inmediacións en xardín, atópase no Complexo de Ocio do Concello, xunto ás Piscinas, das que se pode facer uso en verán.

A situación do Albergue é inmellorable, en pleno ambiente rural, pero moi próximo á cabeceira municipal, o pequeno núcleo urbano de O Castro, ó que se chega andando en tres minutos. Isto achega ó peregrino a importantes servicios, pois nun intervalo de 5 minutos camiñando pode chegar ó centro médico, á farmacia, acceder ó ocio en bares e restaurantes e mesmo adquirir produtos variados de supermercado.