Cruceiro Igrexa I

Cruceiro situado dentro dunha propiedade privada, en perfectas condicións. Componse dunha
base cadrada sobre plataforma en forma de grada, fuste listo octogonal con extremos cadrados e
capitel moldurado sen decoración. Sobre el sitúase unha cruz peculiar porque os seus brazos
ábrense nos extremos formando unha cruz ancorada, chamada así porque lembra ás áncoras,
símbolos da esperanza na vida eterna. Por iso é habitual encontralas próximas a cemiterios, neste
caso, no contorno da igrexa parroquial de Sixto. A tradición di tamen que as usaban os primeiros
cristiáns porque se diferenciaba da cruz latina e así podíana venerar sen medo a ser perseguidos.