Igrexa de Sanguiñedo
Está situada nun bosque. É unha igrexa de planta rectangular dunha nave cuberta a dúas augas,
a ábsida destaca en altura e cúbrese a catro augas. Ten pináculos nos cantos e no cumio. A
sancristía está acaroada.
Destaca un interesante pórtico sobre columnas de pedra no lateral, entre a sancristía e o muro
norte. Fórmase pola continuación da cuberta nese punto, que se apoia sobre unhas columnas
rudimentarias de pedra que lle confiren singularidade. Estas columnas apóianse sobre un banco
corrido de pedra que serve de base. Os tres fustes son prismáticos así como os capiteis, cunhas
lonxutides que equivalen á metade do fuste, son tamén prismáticos, máis anchos que o fuste e
biselados. Unha trabe de madeira serve de transición entre eles e a cuberta. A fachada ten porta
alintelada e espadana de dobre van rematada por un frontón triangular furado en arco de medio
punto e adornado con pináculos.