Cruceiro A Gouxa

É un cruceiro con base cúbica e un fuste cilíndrico, un xogo xeométrico que achega esvelteza a
este elemento que ademais ten a peculiaridade de que se tallou unha personaxe sen identificar a
media altura que ben podería ser unha persoa que peregrina ou quen promoveu a súa
construción, como forma de purgar os seus pecados ou bendicir o lugar. Está rematado cunha
moldura sobre a que se apoia un capitel elegante e ben elaborado, de inspiración corintia pola súa
sofisticada decoración vegetal.
A cruz latina ten a Virxe nun dos seus lados e a Cristo no outro. O significado deste cruceiro pode
entenderse como parte do Camiño e da contorna cultural, co lavadeiro e os pendellos cercanos,
unha maneira de santificar esta interesante zona de alto contido social e de protección, oración e
descanso.