Igrexa de Santa María de Dozón

É unha igrexa dunha sola nave con cuberta a dúas augas e ábsida elevada sobre a nave. Na
fachada destaca a porta enmarcada en dúas arquivoltas lixeiramente apuntadas e apoiadas sobre
dúas columnas con capiteis e fustes lisos. Por riba vemos un reloxo sobre un pequeno van. A
espectacular espadana dobre de factura barroca adórnase con unha imaxe da Virxe. A súa
construción inicial produciuse na transición do románico ao gótico, quedando vestixios desta etapa
nos canzorros que hai baixo o beirado aínda que hai información dunha igrexa anterior ao século
IX. Do seu interior destacan fragmentos dunhas interesantes pinturas murais renacentistas do
deniminado “Maestro de Sixto”.
A igrexa sítúase lixeiramente elevada sobre o seu adro e a súa entrada faise a través dunha
pequena escalinata lateral semicircular que lle rebaixa a simetría, achegándolle un toque singular
e distinguido.